Imagen de Rudolph Carl Gorman
cando todo se cobre de neve
e só queda un buraco por onde
respirar
cando apertan as falorpas
engarzadas unha a unha arredor
do pescozo
cando os berros afogan
nunha avalancha a catro metros
baixo terra
cando no é doado camiñar
nin con calzado axeitado
cando pesan máis os recordos
que o propio corpo
cando non se atopan avelaíñas
na noite fría
eu suspiro, refrego as mans
ata que aparece a calor
e quento o meu corazón