lunes, enero 04, 2010

Sobes como a burbulla



                                                             Foto sacada de Internet



Sobes como a burbulla
e pousas enriba das nubes
-saltadoiro dos ceos-

Brincas nas estrelas
guiado polos aneis de saturno.

Logo baixas nun intre
para bicarme
e vaste correndo.
Chámote
e non me oes.
Atópote no cuarto
enredado con xogos infantís,
investigando a estructura dun castelo
ou dun coche de carreiras.

Mírote e sorrío.

Detés o tempo
cun só pestanexo.