domingo, enero 24, 2010

gústame como escribes...


                                                           Cuadro de Blasco Mentor



gústame como escribes
antes de que saian as palabras


cando me rodeas
cos teus abrazos
e caio debruzada
no sofá do salón


gústame cando me pides
lúas e mares
mentres debuxas cos teus dedos
o percorrido que fará a túa lingua
no meu corpo despois
mais alá do tempo


gústame como me debuxas
na túa cabeza
cando me besas
para curar o insomnio
como ti sabes
despacio
lentamente


gústame así
porque así
es perfecto
para min


a ti, meu amor: se a sinxeleza estivera no aire, que está,
andarías danzando nel