lunes, agosto 15, 2011

rachou o solpor en mil anacos ...

Ilustración de Stella Im Hultberg



rachou o solpor en mil anacos

instalouse un outono
madrugador nos pés
e na espesura dos ollos
naufragou o silencio

máis noutrora…

eu atrapaba a lúa
coas pestanas
xiraba e xiraba
bailando cos teus dedos
na miña cintura

e ti…

xogabas  cos meus abrazos
e fundías un  trisco de estrela
preto do meu corazón

quixen permanecer así
para sempre
pendurada dos teus aloumiños

pero rachou o solpor
en mil pedazos
e un eclipse longo
anidou  no sorriso