miércoles, marzo 28, 2012

flores e recordos


Imaxe de Elvic Steele




a lúa estaba prisioneira  no horizonte
e nos ollos agochábase  a incertidume
e o desamparo

non había flores frescas na mesa
pero as artificiais apoderábanse
do salón   da entrada    das escaleiras 

quería fuxir o aire que se tornaba denso
por momentos
e pola ventá un mar varado contemplaba
o paso das vidas

non había flores frescas
máis a primavera abríase como un xermolo
pese a dor reinante

recordos que reventaban
nos miolos e retrocedían anos
enrugas que atrapaban o tempo

paredes murchas a pesar dos cadros
sofás  desvencellados polo uso
xarros en todas as esquinas sen auga...

esquecer a aflicción aínda que só sexa
polas noites

esfiañar os medos
nos recantos

abandonar a memoria…