Atráeme a chispa...

Atráeme a chispa
fugaz cando navega
como un meteorito
no ceo negro

a lava incandescente
deslizándose roxa nas ladeiras
dun volcán extinguido
-ata agora-

o chisco dos meus ollos
cando miro de cheo o sol

o descaro da túa mirada
no meu escote

E sinto escorregar o desexo
na columna
-gústame o teu desexo-
os estados febrís cando me posúes!

astro prateado...

astro prateado
rebulindo no espazo

desexos agardando

a carón da cheminea

pasear polas nebulosas

atrapar soños
que escapan
á razón





                                                                                                       Foto sacada de Internet

a raiña dos soños...

                                                                Foto sacada de Internet


a raíña dos soños
está anoxada

gústalle que lle canten
as marismas

non entende
dos miolos
da cabeza

el minte...

el minte
para que non se lle note
a tristura

canta
para que bailen os meus pes
danzaríns

e escoita
s i l e n c i o s o
o rumor do meu corazón
á súa beira

sentada...

                                                           Foto sacada de Internet



sentada
esperando á vida

durmindo
soñando atrapar a vida

ás veces esquezemos
os silencios
que nos falan
os bancos quietos
os soños
que nos espertan

HAIKU DEL CAMBIO

DIAS DE ROSAS BLANCAS

Y MANTOS VERDES

COMIENZA LA ANDADURA

Sobícheme o seso...

                                                                                           Foto sacada de Internet




Sorbícheme o seso                                   
como se estiveras bebendo
un sorbete.

Enchoupaches os meus ollos
de desexo lascivo,
de lava quente como o sangue.

Pensei por un intre
que estaba o borde do desatino.

Coa porta pechada,
o meu corpo miúdo
tremía cando os teus dedos
debuxaban círculos no meu embigo.                                                                                
Vin o crepúsculo,                                                       
a xeada carambelizada nos fentos
a soedade,
a tristura,
a emoción espallada nos corpos.

Sentín os meus latidos
e berrei como unha posesa.


Logo abrín a porta.
Espida, saín para ver o ceo roxo..

haiku da emoción

apertas recias

rebumbio de emocións

o meu anxo ri

colliches a miña man

Colliches a miña man.
Non me preguntaches nada.

Case amencía no meu corpo.

Onte, sen querer evitalo
abandoneime á túa presenza
enchida de tenrura.

Rocei o teu cabelo perfumado
e un intenso olor a violetas
volatilizouse no meu nariz.

Impregnou as miñas cordas vocais
e non puiden articular palabra.

Naquel intre, onde a conxugación
do verbo desexar agochábase
no iris dos meus ollos
notei un extraño paréntese.

Non dixemos nada,
pero a mín tremíanme as entrañas,
e a ti descubriate o silencio.

FLAG COUNTER