imaxe sacada da web
buscar as flores máis axeitadas
as máis fermosas
as máis frescas
ir armando coas propias mans frías
da chuvia e da humidade
o ramo ben feito
ás nove da mañá
sen o almorzo quente no corpo
pousar na xardiñeira as rosas chinas
mentres esvara unha soa bágoa
na lentura do día
mirala de cerca, logo de lonxe,
vixiar que as rosas estean colocadas
en perfecta simetría
unha vez e outra
saber que a él lle gustaría
o arrecendo que desprenden
e botarlles auga para que se conserven
ata a próxima visita
